Haut entwéckelt d'Agence eSanté den ePrescriptioun Service net nëmmen op nationalem Plang, mee och op europäeschem Niveau (Participatioun um europäesche CEF Programm eHDSI).
Zil vun dësem eSanté-Service ass d'Dematerialiséierung vun dëse 4 Fäll vun Ordonnancen:
- biologesch Analysen,
- Medikamenter,
- Krankefleeg,
- Röntgen, Scanner an IRM.
Déi erwaart Virdeeler si villfälteg:
- Sécherheet vu Servicer, Identitéiten a medezineschen Donnéeën,
- Traçabilitéit vum Datenaustausch,
- Qualitativ Hëllef bei der Ordonnance (z.B. duerch den Accès op medezinesch Donnéeën vum Patient, Ordonnancen, Rapporte vun Analysen oder Röntgen),
- digital Ordonnance ginn zentral a sécher am DSP gespäichert,
- Zäit- a Käschtespueren am Zesummenhang mam Suivi an der Kontroll vun de Déngschtleeschtungen,
- Verbesserung vum administrative Suivi, andeems den Ofgleich tëscht dem Paiement an der Ordonnance mei einfach gëtt.
D'Haaptaufgab vun der Agence eSanté ass dën Austausch tëscht de betraffene Gesondheetsakteuren ze identifizéieren an ze vereinfachen, andeems se Dokumenter an engem standardiséierte elektronesche Format erstellt. Zu dësem Zweck entwéckelt an implementéiert se Referenzkataloge fir déi jeeweileg zoustänneg Servicer.
Bis elo huet d'Agence schonn zwee vun de véier nationale Referenzkataloge fir déi éischt Benotzungsfäll déi de Moment entwéckelt ginn, agefouert: Verschreiwe vu Labostester an Ordonnance vu Medikamenter.
Donieft schafft si och un engem Interaktiounsdéngscht vu Medikamenter fir Dokteren déi Ordonnance ausstellen kënnen an d’Apdikten, bannent an ausserhalb vun de Spideeler.