Rechtlech Hiweiser

Déi virleiend Websäit, am Weidere „eSanté‑Portal“ genannt, gëtt publizéiert an exploitéiert vun der
Agence eSanté G.I.E. (Groupement d’intérêt économique), am Weidere „Agence eSanté“ genannt,
mat Sëtz 161, rue du Kiem, L‑8030 Strassen.
D’Agence ass am Registre de Commerce et des Sociétés vu Lëtzebuerg ënner der Nummer C69 ageschriwwen.
Verantwortleche Redakter: Ian Tewes, Generaldirekter
Kontaktinformatiounen: B.P. 2511, L‑1025 Lëtzebuerg – Tel.: (+352) 2712 5018 1
Hosting: eBRC – Lëtzebuerg

Déi virleiend Hiweiser déngen der Präzisioun vun den Notzungs‑ a Navigatiounsbedingungen am Kader vum eSanté‑Portal. Si kënnen zu all Moment duerch eng Decisioun vun der Agence eSanté geännert ginn, an all nei Versioun trëtt ab dem Datum vun hirer Publikatioun a Kraaft.

Dës Hiweiser gëlle fir all Internaute, deen op d‘ eSanté‑Portal zougräift, an all Internaute gëtt als solchen ugesinn, deen dës Hinweiser duerch seng weider Notzung ouni Reserven akzeptéiert a sech domat zu hirem Anhale verflicht.

Zil vum eSanté-Portal

De Zweck vum eSanté-Portal ass et, duerch seng verschidde Rubricken d'Agence eSanté an hir Aktivitéiten esouwéi d‘Neiegkeeten am Gesondheets- an eHealth-Secteur a Lëtzebuerg an Europa virzestellen, besonnesch d'Aktiounen a Servicer, déi an dësem Beräich fir d'Ëffentlechkeet an d'Fachleit am Secteur ëmgesat goufen.

D’Portal erlaabt:

• D‘Sich no Gesondheetsberuffler an Etablissementer zu Lëtzebuerg inkl. hir Kontaktdonnéeën, wéi se beim Gesondheets a Sozialversécherungsministère registréiert sinn;

a bitt och:

• Zougang zu enger Datebank vun Dokumenter a Presentatiounen zu aktuellen Theme vun der Agence, der eSanté-Plattform an dem Gesondheetssecteur zu Lëtzebuerg an am Allgemengen;
• Méiglechkeet fir anonym Ëmfroen auszefëllen;
• Kontaktopnam mat der Agence eSanté iwwer Formulairen.

D’Agence eSanté beméit sech, korrekt an aktuell Informatiounen ze publizéieren. Sollten trotzdeem Feeler opdauchen, ginn d’Internauten opgefuerdert, dës der Agence ze mellen.

D'eSanté-Portal erlaabt et och de Benotzer, déi sech als Patient oder Gesondheetsberuffler ageloggt hunn, op déi verschidden eSanté-Servicer zouzegräifen, déi de Benotzer vun der eSanté-Plattform am Aklang mat den Artikelen 60ter an 60quater vum Sozialversécherungskodex - déi d'Missioune vun der Agence eSanté definéieren - zur Verfügung gestallt ginn.

Soubal den Internaute sech a säi privaten Espace aloggt, verléisst hien d’eSanté Portal a gëtt un d’eSanté-Plattform weidergeleet. Do gëllen d’Allgemeng Bedéngunge vun der Plattform a wann néideg – déi spezifesch Konditioune vun de Servicer.

Intellektuell Proprietéit

All d’Rechter, déi mat den Inhalter déi op dëser Websäit publizéiert sinn, verbonne sinn, gehéieren der Agence eSanté, ausser et ass anescht uginn oder d'Propriétéit gëtt enger Drëtter Partei zougeschriwwen, déi der Agence eSanté autoriséiert huet, en ze publizéieren. Dëst ëmfaasst, awer limitéiert sech net op, all Marken, Bezeechnungen, Logoen, Biller, Fotoen, Videoen, Zeechnungen, Texter, Animatiounen, Funktiounen a grafesch Elementer, onofhängeg dovun ob se duerch industriel Schutzrechter, Copyright oder aner intellektuell Propriétéitsrechter geschützt sinn oder net.

Bestëmmt Fotoen a Biller, déi mam Symbol © markéiert sinn, stinn ënner Lizenzbedéngungen vun der Shutterstock-Bildbank, déi op http://www.shutterstock.com/licensing.mhtml opgeruff kënne ginn.

All komplett oder deelweis Representatioun, Reproduktioun, Adaptatioun oder Verbreedung vun Elementer oder vum Inhalt vun dësem Site, egal op wéi engem Medium a mat egal wéi engem Verfueren, ass ouni viregt Autorisatioun vun der Agence eSanté verbueden. All Handlung oder Versuch vun der Decompilatioun oder dem Andrénge vun Internaute kënne geméiss de gëllende gesetzleche Bestëmmunge strofrechtlech verfollegt ginn.

D’Agence eSanté toleréiert awer d’Iwwernam vun de publizéierten Informatiounen ausschliisslech fir privat an informativ Zwecker, virausgesat datt d’Quell kloer uginn ass, an e Link op d’eSanté-Portal bäigefüügt gëtt.

Haftung

D’Agence eSanté kann ënner kengen Ëmstänn fir Schied oder Konsequenzen haftbar gemaach ginn, déi aus enger feelerhafter oder veraalter Publikatioun um eSanté-Portal entstoe kënnen.

D’Agence eSanté iwwerhëlt keng Verantwortung fir d’Notzung vun den Informatiounen, déi op dëser Websäit publizéiert sinn. De Contenu déngt eleng informativen Zwecker. En enthält Informatiounen déi net onbedéngt komplett, ëmfaassend, korrekt oder aktuell sinn. Bei Differenzen tëschent den op dëser Websäit publizéierten Texter an den original Dokumenter, gëllen déi original Fassunge wéi se am Memorial publizéiert goufen.

Wéinst de natierleche Beschränkungen an Aschränkunge vum Internet, kann d’Agence eSanté net fir Schied haftbar gemaach ginn, déi un der Informatikinstallatioun vum Internaute wärend der Notzung oder Navigatioun um eSanté-Portal entstoe kéinten.

D’Agence eSanté iwwerhëlt och keng Verantwortung fir d’Onverfügbarkeet vum ganze Portal oder vun engem Deel dovun, och wa se nëmmen temporär ass.

Dës Ausname vun der Haftung bezwecken net, déi gesetzlech virgeschriwwen Ufuerderungen ze ëmgoen oder eng Haftung an deene Fäll auszeschléissen, an deenen se no geltendem Recht net ausgeschloss ka ginn.

Den Internaute ass verflicht, bei der Navigatioun um eSanté-Portal dës rechtlech Hiweiser an all aner uwennbar gesetzlech Bestëmmungen anzehaalen, a verzicht op all Notzung oder Versuch vun Notzung vum eSanté-Portal an deene Funktiounen, déi net den hei opgezielte Zwecker entspriechen.

Hyperlinken

D‘eSanté-Portal kann Hyperlinken op extern Websäiten enthalen. D’Agence eSanté kann ënner kengen Ëmstänn fir de Contenu vun dëse baussenzege Websäiten haftbar gemaach ginn. Den Internaute gräift op dës Websäiten op eegent Risiko zou a gëtt deenen hiren Notzungsbedéngungen ënnerworf, ouni datt déi virleiend Konditioune gëllen. Eng Haftung vun der Agence eSanté ass deemno ausgeschloss.

D’Erstellung vun Hyperlinken op d‘Portal däerf just mat der viregter Autorisatioun vun der Agence eSanté geschéien, onofhängeg vun de Bestëmmungen aus dem viregte Passage. D’Agence eSanté behält sech vir, d’Läsche vun all Linken ze verlaangen, déi géint dës Bestëmmung verstoussen.

Allgemeng kann aus der Präsenz vun engem Link um eSanté‑Portal op eng extern Websäit, oder vun enger externer Websäit op d’eSanté‑Portal, op kee Fall ofgeleet ginn, datt d’Agence eSanté de Contenu vun där externer Websäit ënnerstëtzt, ënnerhält, drun deelhëlt oder domat averstane wier. Internaute ginn opgefuerdert, d’Agence eSanté ze kontaktéieren, wann si op eng Feelfunktioun vun engem Link opmierksam ginn.

Dateschutz

Dësen Artikel déngt, am Aklang mat der zanter dem 25. Mee 2018 a Kraaft agetruedener Dateschutz-Grondveruerdnung ((EU) 2016/679), dozou, den Internaute iwwert seng Rechter an d’Verwendung vun den Donnéeën z’informéieren, déi mat senger Zoustëmmung iwwer d’Funktioune vum eSanté‑Portal gesammelt ginn.

D’Agence eSanté erhieft keng perséinlech Donnéeën ouni virdrun Zoustëmmung vum Internaute kritt ze hunn, egal iwwer wéi e Medium.

D’Agence eSanté freet nëmmen an de follgende Fäll ëm d’Iwwermëttlung vu perséinlechen Donnéeën :

• fir engem Internaute d’Abonnement vun der Newsletter ze erméiglechen, andeems hien eng gülteg Email‑Adress ugëtt;
• fir iwwer de Kontaktformular mat der Agence eSanté a Kontakt ze trieden, fir eng Fro ze stellen oder Informatiounen iwwert d’Agence, hir Aktivitéiten, hir Servicer oder de Gesondheetssystem ze kréien;
• fir engem Bekannten de Link zu engem op dem eSanté‑Portal publizéierten Artikel per Email ze schécken.

An dësem Kontext gëtt drop higewisen, datt d'Sondage‑Formulairen anonym sinn an deemno keng Donnéeë sammelen, déi eng Identifikatioun vun den Internauten erméiglechen. Et gëtt nëmmen e Cookie benotzt, fir d’Participatioun un engem Sondage ze identifizéiere fir Mehrfachäntwerten auszeschléissen (kuckt den nächsten Ofschnëtt iwwer Cookies).

All Formulaire fir d’Erfaassung vu perséinlechen Date weisen däitlech un, wéi eng Donnéeën obligatoresch vum Internaute mussen ausgefëllt ginn. Dës Date ginn, jee no Zweck, bis zur Ofmeldung vun der Newsletter, bis zur Iwwermëttlung vun de gefrote Reaktiounen oder Präzisiounen un den Internaute, respektiv bis zum effektiven Ofschécke vun der E‑Mail, konservéiert. D’Donnéeë ginn zu Lëtzebuerg gehost.

Déi gesammelt Donnéeë ginn ënner kengen Ëmstänn fir aner Zwecker benotzt wéi déi hei uginn, an och net un Drëttpersoune weidergeleet ouni d’Zoustëmmung vum Internaute, ausser un déi Subkontrakter, déi am Optrag vun der Agence eSanté an am Aklang mat hiren Instruktioune schaffen.

D’Agence eSanté engagéiert sech, all néideg Moossnamen ze huelen, fir d’Vertraulechkeet an d'Sécherheet vun de gesammelten Donnéeën ze garantéieren an all net konformt Weiderginn oder Notzung ze verhënneren.

Geméiss der Dateschutz‑Grondveruerdnung ((EU) 2016/679), déi den 25. Mee 2018 a Kraaft getrueden ass, huet all Internaute e Recht op Zougang, Berichtegung a Widdersproch, bezunn op déi gesammelt Donnéeën. Dës Rechter kënnen duerch eng schrëftlech Demande un d’Agence eSanté per Post op d’Adress an der Preambel, oder per Email u privacy@esante.lu, ausgeüübt ginn.

Cookies

D’eSanté‑Portal benotzt Cookies, fir säi gudde Fonctionnement an seng Disponibilitéit am Kontext vum festgestallten Dateverkéier ze garantéieren an d’Navigatioun fir d’Internauten ze optimiséieren. D’Agence eSanté benotzt ënner kengen Ëmstänn Software oder Programmer, déi et erlabe géifen, eng Persoun ze verfollegen oder ze iwwerwaachen; allgemeng ginn iwwer dës Mëttel keng perséinlech Donnéeë gesammelt.

Hei drënner fannt Dir all Detailer zu de Cookies, déi um eSanté‑Portal agesat ginn, souwéi Informatiounen dozou, wéi Dir dës kënnt verwalten oder esouguer desaktivéieren. Verschidden Deeler vun der Websäit kéinten no der Desaktivéierung vu Cookies net méi optimal fonctionéieren. D’Agence eSanté kann dofir net haftbar gemaach ginn.

Lëscht vun de Cookies

Numm	Domain	Zweck	Dauer
Funktiounscookies
Foideoportalesantelocal80	www.esante.lu	PHP/Ideoportal Sessioncookie	Sessiounsdauer
JSESSIONID	www.esante.lu	JEE/idéoSSO Sessioncookie	Sessiounsdauer
cookie_sondage	www.esante.lu	Eemoleg Äntwert op eng Ëmfro	2 Joer
cookie_questionnaire	www.esante.lu	Eemoleg Äntwert op eng Ëmfro	2 Joer

 

Cookies verwalten / ausschalten

D’Internaute kënnen iwwer hire Browser d’Cookies verwalten oder desaktivéieren:

• Internet Explorer
• Firefox
• Safari
• Chrome

E puer Funktiounen am Site kënne beim Ausschalte vu Cookies beaflosst ginn.

Gesetzgebung – Juridictioun

All Rechtssträit am Zesummenhang mat der Notzung vum Site ënnerläit dem Lëtzebuerger Recht a fällt ënner d‘exklusiv Kompetenz vun de Lëtzebuerger Geriichter.