ALLGEMENGES
Dir sidd e Patient:
Wann Dir Ären eSanté Kont aktivéiert, hutt Dir:
- Zougang op Ären DSP, kënnt de Contenu kucken an d‘Astellungen upassen
- d‘Méiglechkeet selwer Dokumenter an Ären DSP ze späichere
- d‘Méiglechkeet aner digital Gesondheetsservicer ze notzen wéi den CVE (Carnet de Vaccination Électronique - elektroneschen Impfpass)
Dir sidd e Gesondheetsberuffler:
Wann Dir Ären eSanté Kont aktivéiert, kënnt Dir:
- den DSP vun Äre Patienten, déi Iech Zougangsrechter ginn hunn, consultéieren an hir Labosanalysen, medezinesch Berichter, medezinesch Biller, Spidolsberichter, asw. kucken
- Dokumenter androen, déi zum medezinesche Suivi an der Koordinatioun vun der Behandlung vun Äre Patiente bäidroen
- aner digital Gesondheetsservicer notzen wéi den CVE (Carnet de Vaccination Électronique - elektroneschen Impfpass)
- automatesch op de Service "Regify" - geséchert Messagerie zougräifen
Als Patient kënnt Dir en aktivéieren:
- iwwer Äre privaten Espace op MyGuichet.lu (Webbrowser‑Versioun an App) mat Hëllef vun engem LuxTrust-Produit
- iwwer den eSanté-Portal oder d’mobil App MyDSP, mat dem Aktivatiounscode, deen Dir per Bréif vun der Agence eSanté krut
Als Gesondheetsberuffler kënnt Dir en aktivéieren:
- direkt um eSanté-Portal mat dem Aktivatiounscode, deen Iech per Bréif vun der Agence eSanté geschéckt gouf
Hei fannt Dir déi eSanté Servicer déi verfügbar sinn, wann Äre Kont aktivéiert ass:
- DSP (Dossier de Soins Partagé)
- CVE (Elektroneschen Impfpass)
- Grenziwwerschreidenden Austausch vum Résumé Patient, e Service «MaSanté@UE»
- Referenzdokter Tool (nëmme fir Gesondheetsberuffler)
- Aner eSanté Servicer