E wichtege Schrëtt an der Zesummenaarbecht mat de Gesondheetsspezialisten
D‘Agence eSanté huet eng drëtt Informatiounsversammlung organiséiert fir der Gesondheetsberuffler hir digital Servicer ze presentéieren
Bei dësem Event, deen e Mëttwoch, de 27. September 2023 am CAPE (Centre des Arts Pluriels zu Ettelbréck) stattfonnt huet, hunn Mataarbechter vun der Agence den elektronesche Gesondheetsdossier (DSP), den elektroneschen Impfpass an den zukünftege Service ePrescription virgestallt.
Den DSP gouf ervirgehuewen fir seng Fäegkeet de sécheren Austausch vu medezineschen Informatioun tëscht Gesondheetsspezialisten z'erliichteren, an doduerch eng optimal Iwwerwaachung a Koordinatioun vun der Fleeg a Betreiung ze fërderen. Och goufen d'Virdeeler vum CVE opgewisen, deen de Patienten a Gesondheetsberuffler en einfachen Zougang zu Informatioun iwwer Impfunge gëtt. Zousätzlech huet d'Agence Detailer iwwer hiren zukünftegen ePrescription Service matgedeelt, e Service entwéckelt fir d’Ordonnancen ze vereinfachen a méi sécher ze maachen.
Den Owend ass mat enger interaktiver Fro an Äntwert Ronn ofgeschloss ginn, bei der d‘Participanten déi technesch an operationell Aspekter vun de Servicer kläre konnten. Verschidde Gesondheetsberuffler hunn d'Geleeënheet genotzt fir hiren eSanté Kont ze aktivéieren a krute perséinlech vun engem Member vun eisem Helpdesk deen op der Plaz war, dobäi gehollef.