De Service fir Teleconsul­tatioun

Fir d'Ausbreede vun der COVID-19 Pandemie ze bekämpfen, gouf eng gratis Teleconsultatiounsplattform fir Dokteren, Zänndokteren a Hiewanen zur Verfügung gestallt, fir Berodung op Distanz mat hire Patiente méiglech ze maachen.

Nei Versioun vun der Teleconsultation ass ab den 12. Januar 2021 disponibel

Dësen Update bréngt folgend Verbesserunge mat sech, ënner anerem:

eng allgemeng méi vereinfacht Handhabung
d'Méiglechkeet Telefonskontakter, déi mat Ärem Kont verbonne sinn, ze verwalten an Informatioune bäizefügen

eng erweidert a méi dynamesch Astellung vun Ärem Kalenner, déi spéiderhin mat Ärer Praxis Software synchroniséiert ka ginn

d'Méiglechkeet den Historique vu de Patiente Rendezvousen an dem Noriichtenaustausch ze gesinn

d'Méiglechkeet fir de Patient en Dokument erofzelueden.

OPGEPASST: D'Aktualiséierung erfuerdert eng nei Astellung vun Ärem Kalenner, fir datt d'Patienten e Rendezvous kënne maachen. Ab dem 12. Januar denkt w.e.g. drun Äre Kalenner nei z'aktivéieren wann Dir Iech fir d'éischt umellt!

OPGEPASST !


Wann Dir Iech umellt an automatesch op d'Websäit vun der Agence eSanté (www.esante.lu) weidergeleet gitt, musst Dir Äre Browser-Cache eidel maachen.


Kuckt eis FAQ fir erauszefanne wéi Dir dëst fir all Browser maache kënnt.
 

Déi ugebuede Funktionalitéiten

D‘Plattform bitt Funkiounen un fir d‘Verwaltung vun der Telekonsultation, wéi z. B. d‘Verwaltung vun der Agenda, awer och fir d’automatesch Ausfëlle vun dëse 4 Dokumenter, déi wann néideg iwwerschaff kënne ginn wann se un e Patient geschéckt solle ginn.   

  • D’Verrechne vun de Gebuere fir Telekonsultationsgesetz am Zesummenhang mat der COVID-19 Pandemie;
  • De Krankeschäin;
  • D’Verschreiwe vu Medikamenter;
  • Eng Labo-Ordonnance.

 

Teleconsult, ass en Instrument, dat folgend Sécherheetsmoossnamen an de Schutz vu perséinlechen Daten mat abegräift: :
  • Sammlung a Veraarbechtung vu perséinlechen Daten am Aklang mam Dateschutzgesetz RGPD ((EU) 2016/679)
  • Perséinlech Daten déi op Lëtzebuerger Territoire vun enger approuvéierter Hostingfirma bewaacht ginn
  • Mat der ausdrécklecher Zoustëmmung vum Benotzer gi perséinlech Date gesammelt, déi ausschliisslech fir Gesondheetsspezialisten am Respekt mat de Reglementer iwwer medezinesch Vertraulechkeet geduecht si, fir de behandelnden Dokter, mam Benotzer senger Zoustëmmung an nodeems hien de Bericht geschéckt huet, fir CNS fir d’Dokteschrechnung a de Krankeschäin, fir déi autoriséiert Mataarbechter vun der Agence‚ déi dem Benotzer beim Gebrauch vun hire Servicer hëllefen
  • Et ginn keng perséinlech Donnéeën un aner Persoune weiderginn oder matgedeelt
  • Recht op Informatioun, Zougang, Rektifikatioun, Widdersproch an Läsche vu perséinlechen Donnéeën fir all Benotzer.

 

Legale Kader 

A159 : Règlement grand-ducal du 17 mars 2020 modifiant le règlement grand-ducal modifié du 21 décembre 1998 arrêtant la nomenclature des actes et services des médecins pris en charge par l’assurance maladie

A160 : Règlement grand-ducal du 17 mars 2020 modifiant le règlement grand-ducal modifié du 30 novembre 2017 arrêtant la nomenclature des actes et services des laboratoires d’analyses médicales et de biologie clinique