D’Aktivéierung vun Ärem eSanté-Kont ass elo och iwwer d’mobil-App MyGuichet.lu méiglech
Vun elo un steet Iech eng weider Méiglechkeet fir d’Aktivéierung vun Ärem eSanté-Kont zur Verfügung: d’mobil-App MyGuichet.lu.
Wéi bei der Aktivéierung iwwer d’Browser-Versioun vu MyGuichet.lu – déi zënter Dezember 2025 verfügbar ass – braucht Dir nëmmen e private Beräich op MyGuichet.lu souwéi e LuxTrust-Produit oder eng lëtzebuergesch elektronesch Identitéitskaart (eID), fir dës Demarche duerchzeféieren.
Et ass allerdéngs ze bemierken, datt Persounen, déi net iwwer en Identifikatiounsmëttel wéi LuxTrust oder eng eID verfügen, hiren eSanté-Kont weiderhin iwwer de Portal eSanté oder d’mobil-App MyDSP aktivéiere kënnen an Zougang zu hirem Elektronesche Gesondheetsdossier (DSP) kréien, fir esou den Zougang fir jiddereen méiglech ze maachen.
D’Implementatioun vun dëser Fonctionnalitéit an der App MyGuichet.lu ass Deel vum Bestriewe vun der Regierung, d’digital Mobilitéit ze stäerken an den Zougang zu ëffentleche Servicer fir sou vill wéi méiglech Versécherter ze vereinfachen. Ausserdeem dréit si dozou bäi, d’Aféierung vum DSP ze beschleunegen, engem wesentlechen Instrument fir d’Verbesserung vun der Koordinatioun vun de Fleeg an der Disponibilitéit vun de medezinesche Patientendonnéeën.
Weider Informatiounen zum elektronesche Gesondheetsdossier fannt Dir hei